მიწისძვრის ეპიცენტრში 19 მიწისქვეშა ბიძგი დაფიქსირდა
მიწისძვრის ეპიცენტრში ამ დრომდე 19 მიწისქვეშა ბიძგი დაფიქსირდა. ამის შესახებ "ინტერპერსნიუსს" ილიას სახელმწიფო უნივერსიტეტის დედამიწის შემსწავლელ მეცნიერებათა ინსტიტუტის სეისმოლოგმა ინგა ხელაშვილმა განუცხადა.
მისივე თქმით, აღნიშნული ბიძგები მიწისძვრის თანმდევია და მცირე ზომის ბიძგები შესაძლოა, კიდევ დაფიქსირდეს. 19 ბიძგიდან დაახლოებით 4-5 იყო 4 მაგნიტუდაზე მეტი, დანარჩენი - საშუალო და მცირე სიძლიერის.
"მიწისძვრა, რომელიც აზერბაიჯანში დაფიქსირდა, საკმაოდ ძლიერი იყო, თუმცა ეპიცენტრი დასახლებულ პუნქტში არ ყოფილა", - აღნიშნა ინგა ხელაშვილმა.
აზერბაიჯან-საქართველოს საზღვრიდან 25 კმ-ში 5,7 მაგნიტუდის სიმძლავრის მიწისძვრა დღეს, თბილისის დროით, 08.40 საათზე დაფიქსირდა. საქართველოში ბიძგების სიმძლავრემ 5,7 მაგნიტუდა შეადგინა, ეპიცენტრში კი - 12-ბალიანი შკალით 7 ბალი.
ბამბის რიგში რესტორანი იწვის - ადგილზე 4 სახანძრო მუშაობს
დამწვარია 200-დან 250 კვ.მ ფართობი - რა ვითარებაა ბაზრობა "თერგის" ტერიტორიაზე
